ShQO-da maska taqpaǵandar jaýapqa tartylýda

ÓSKEMEN. QazAqparat – Shyǵys Qazaqstan oblysynda karantındik shekteý sharalaryn buzýdyń 20-ǵa jýyq faktisi tirkeldi, dep habarlaıdy QazAqparat tilshisi.

Óńirde arnaıy qurylǵan monıtorıngilik toptar karantın talaptarynyń saqtalýyn qadaǵalaý úshin qoǵamdyq kólikterde, dúkenderde, dárihanalar men basqa da mekemelerde kún saıyn reıd júrgizýde.

«14 sáýir kúni Óskemende 303 nysan tekserilgen. Nátıjesinde karantın talabyn buzýdyń 15 faktisi anyqtaldy. Sondaı-aq buryn tirkelgen zańbuzýshylyqtar boıynsha 175 020 teńge mólsherinde aıyppul salyndy», - delingen ShQO Aqparat ortalyǵy taratqan málimette.

Altaı aýdanynda júrgizilgen tekserý barysynda 141 nysan qamtylyp, shekteý sharalaryn buzǵan 2 adam tirkeldi. Glýbokoe aýdanynda monıtorıngilik toptar 117 nysandy tekserip, maska rejımin buzýdyń 1 faktisin anyqtaǵan.

Sondaı-aq Shemonaıha aýdanynda tekserilgen 75 nysanda maska taqpaı júrgen 1 adamǵa aıyppul salyndy.