ShQO-da mas kúıinde kólik júrgizip, jol apatyna túsken ákim jumystan bosatyldy

<p>Shyǵys Qazaqstan oblysy Altaı aýdany Maleev aýyl okrýginiń ákimi mas kúıde kólik júrgizip, jol apatyna túskeni úshin jumystan shyǵaryldy, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

ShQO ádep jónindegi keńeste Maleevsk aýyl okrýginiń ákimine qatysty tártiptik is qaraldy. Laýazymdy tulǵa óz kinásin tolyqtaı moıyndaǵan.

Óz sózinde ol tek syra ishkenin, qatty mas bolmaǵanyn jetkizdi.

Sondaı-aq júrgizýshisiniń jalaqy azdyǵynan jumystan shyǵyp ketkenin alǵa tartty.

- Sot ákimdi kináli dep tanyp, ákimshilik qamaqqa alý týraly sheshim qabyldaǵan bolatyn. Ádep jónindegi keńeste isti talqylaý barysynda mundaı jazaǵa tartylǵan adamnyń memlekettik qyzmettiń ımıdjine nuqsan keltirgeni aıtyldy. Sondyqtan aýdan ákiminiń mindetin atqarýshyǵa Maleevsk aýyl okrýginiń ákimin qyzmetinen bosatýdy usyný týraly sheshim qabyldandy, - dep habarlady Memlekettik qyzmet isteri agenttiginiń Shyǵys Qazaqstan oblysy boıynsha departamentinen.

Qazirgi ýaqytta ákim qyzmetinen bosatylǵan.

Eske salsaq, osyǵan deıin ShQO-da mas kúıde kólik júrgizip, jol apatyna túsken ákim 20 kúnge qamaýǵa alynǵany habarlanǵan edi.