ShQO-da «qyzyl» mártebesi bar 1900-ge jýyq adam túrli nysandarǵa kirmek bolǵan
02:58, 10 Jeltoqsan 2021
ÓSKEMEN. QazAqparat – Shyǵys Qazaqstan oblysynda «qyzyl» statýstaǵy 1900-ge jýyq adam túrli nysandarǵa kirmek bolǵan, dep habarlaıdy QazAqparat tilshisi.
ShQO Sanıtarlyq-epıdemıologııalyq baqylaý departamenti baspasóz qyzmetiniń málimetine súıensek, óńir boıynsha sońǵy aptada oqshaýlaný tártibin elemegen 9 adamǵa qatysty QR «Ákimshilik quqyq buzýshylyq týraly» kodeksiniń 425-baby 1-bóligine sáıkes hattama toltyrylǵan.
«Onyń ishinde Óskemennen 6, Semeı qalasy men Altaı, Glýbokoe aýdandarynan 1 adamnan anyqtalyp otyr. Atalǵan tártip buzýshylardyń aty-jóni departamenttiń resmı saıtynda jarııalanǵan», - delingen aqparatta.
Jalpy 2021 jyldyń 10 maýsymy men osy kúnge deıin Ashyq júıesine qosylǵan nysandarǵa kirmek bolǵan 1893 «qyzyl» jáne 2792 «sary» mártebesi bar adam tirkeldi.