ShQO-da qystyń kózi qyraýda 9 aýyl kógildir otynsyz qalǵan

ÓSKEMEN. QazAqparat - Shyǵys Qazaqstan oblysynda gaz jelisinde apat bolyp, 9 eldi mekenge gaz berý toqtatylǵan, dep habarlaıdy QazAqparat.

Oblystyq ákimdiktiń málimetine sensek, 27 qańtar kúni saǵat 19:30 shamasynda «Barys kól» JShS ekskavatorshysy Álibek Ótkelbaev kópir qurylysy boıynsha jer jumystaryn oryndaý kezinde Zaısan aýdanynyń 9 eldimekenin gazben qamtamasyz etetin joǵary qysymdy magıstraldy gaz qubyryna baıqaýsyzda zaqym keltirgen.

Saldarynan Aınabulaq, Qaratal, Úlken-Qaratal, Shalqar, Kógedaı, Qaınar, Keńsaı, Jambyl, Qarabulaq eldi mekenderindegi 2105 abonentke gaz berý shuǵyl toqtatyldy.

Aýdan ákiminiń basshylyǵymen qalpyna keltirý jumystary ornynda shtab quryldy.

6 motopompa, ATs-40, 1 KÝNG, 50 tehnıka, sondaı-aq «Barys kól» JShS tarapynan barlyq qajetti tehnıka jumyldyryldy.

9 eldi mekende kómir men qajetti otyn qoryn tasymaldaý uıymdastyryldy.

Aıta keteıik, barlyq úıler apat kezinde avtonomdy jylý kózderine kóshti.

Al syrtqy aýa temperatýrasy -17 gradýsty qurady.

Búgin tańerteń saǵat 8.00-de apat saldary joıylyp, abonentterdi qosý jumystary bastaldy.