ShQO-da qutqarýshylar órtengen úıden 3 gaz ballonyn shyǵardy
05:17, 30 Qyrkúıek 2021
ÓSKEMEN. QazAqparat – Shyǵys Qazaqstan oblysy Glýbokoe aýdanynda órt sóndirýshiler otqa oranǵan úıden 3 gaz ballonyn shyǵaryp úlgerdi, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, Predgornoe aýylyndaǵy 2 qojaıynǵa arnalǵan jeke turǵyn úıde órt shyqqan. Tilsiz jaý shatyrdyń aǵash qurylymdaryn, dálizdi, jıhazdar men jeke zattardy sharpydy.
«Oqıǵa ornyna shuǵyl kelip jetken qutqarýshylar janyp jatqan úıden 3 gaz ballonyn shyǵaryp úlgerdi. Kóp uzamaı jalpy aýdany 105 sharshy metrdi quraǵan qyzyl jalyn tolyqtaı aýyzdyqtaldy», - dep habarlady vedomstvo ókilderi.
Aldyn ala málimet boıynsha ottyń shyǵýyna – elektr jabdyqtaryn ornatý jáne paıdalaný kezinde órt qaýipsizdigi talaptaryn saqtamaý sebep bolǵan.