ShQO-da qutqarýshylar men energetıkter aýlalardy qardan tazalady

ÓSKEMEN. QazAqparat - Shyǵys Qazaqstan oblysy Glýbokoe aýdanynda qutqarýshylar aýyl turǵyndaryna qar tazalaýǵa kómektesýde, dep habarlaıdy QazAqparat.

«Sońǵy kúnderi qar tolassyz jaýyp tastady. Jer-jerde qar tazalaý jumystaryna tehnıka jetpeı jatyr. Sol úshin eki qolǵa bir kúrek alǵan qutqarýshylar áleýmettiń áljýaz toptaryna kómekke kelýde» dep habarlady Glýbokoe aýdanynyń tótenshe jaǵdaılar bólimi.

Sondaı-aq, Shyǵys Qazaqstan aımaqtyq energetıkalyq kompanııasynyń qyzmetkerleri Óskemen jáne Semeı qalalarynyń kóshelerin qardan tazartýǵa atsalysty.

«Biz birgemiz» aktsııasyna qatysqan energetıkter Óskemendegi Sogra kenti men Zaşıta yqsham aýdanynda jáne Semeıdegi Vodnyı, Mırnyı kóshelerinde jalǵyzbasty zeınetkerlerdiń aýlasyn qardan tazartty.

Eske salsaq, elorda jastary áleýmettik jelide qar kúreý chellendjin bastaǵan bolatyn. Bastamany Memleket basshysy Qasym-Jomart Toqaev ta qoldady.