ShQO-da qutqarýshylar arasynda Qazaqstan chempıonaty bastaldy

ÓSKEMEN. QazAqparat – QR Tótenshe jaǵdaılar mınıstri ıÝrıı Ilın Óskemende bastalǵan qutqarýshylar arasyndaǵy Qazaqstan chempıonatynyń ashylý saltanatyna qatysty, dep habarlaıdy QazAqparat tilshisi.

ShQO TJD baspasóz qyzmetiniń málimetinshe, búgin Óskemen qalasynda órt sóndirý-qutqarý sporty boıynsha Qazaqstan chempıonaty bastaldy. Onyń saltanatty túrde ashylý rásimine QR Tótenshe jaǵdaılar mınıstri ıÝrıı Ilın qatysty.

«Bul departament pen mınıstrlik ujymy úshin tarıhı oqıǵa. Qatysýshylardy quttyqtaı otyryp, sáttilik tileımin. Barshamyzdyń Otan aldyndaǵy paryzymyzdy abyroımen oryndaýymyzǵa tilektespin», - dedi mınıstr.

Chempıonat 3 kún ótedi. Onda respýblıkanyń barlyq aımaqtarynan 19 komanda baq synaıdy.

Qatysýshylar kedergilermen júz metrge júgirý, munaranyń 4-qabatynyń terezesine satymen kóterilý boıynsha saıysqa túsedi. Erler, áıelder jáne jasóspirimder quramalary jaryspaq.

Esterińizge sala ketsek, osyǵan deıin ShQO-da qutqarýshylar arasynda Qazaqstan chempıonaty ótetindigin habarlaǵan edik.