ShQO-da qutqarýshylar muzda balyq aýlaıtyndarǵa qaýipsizdikti túsindirý úshin 470 ret reıdke shyqty
ShQO TJD baspasóz qyzmetiniń málimetine súıensek, óńir boıynsha «Muz-2024» aktsııasy aıasynda muzdaǵy jazataıym oqıǵalardyń aldyn alý úshin reıdter ótkizilip jatyr. Oǵan qutqarýshylarmen birge jergilikti atqarýshy organ ókilderi men polıtsııa qyzmetkerleri tartylǵan.
Osy ýaqytqa deıin 470 reıd júrgizilip, 317 balyqshyǵa nusqaýlyq berildi. Sondaı-aq sý aıdyndarynda eskertý jáne tyıym salý belgileri ornatyldy.
«Balyqshylarǵa muz ústindegi qaýipsizdik erejeleri túsindirilýde. Soǵan sáıkes, muz qalyńdyǵy 10 sm-dan kem bolǵanda ústine shyǵýǵa bolmaıdy. Muz betine shyǵý úshin onyń qalyńdyǵy 25 santımetrden kem bolmaýy tıis. Ózińizben birge qutqarý keýdeshesi, ysqyryq, qarmaýshy qural, dıametri 12 metrden kem emes arqan, uzyndyǵy 2 metrden kem emes taıaq bolý kerek», - deıdi departamenttiń azamattyq qorǵanys basqarmasynyń bastyǵy Dáýren Aǵajaev.
Berik ári qaýipsiz muz - kókshil nemese jasyl tústes keledi. Qalyńdyǵy 10 sm-den kem bolmaıdy.
Eske salsaq, osyǵan deıin Balqash kólinde joǵalyp ketken balyqshylar tabylǵany habarlanǵan.