ShQO-da qurylys kompanııasyna 737 mln teńge bergen 50 úlesker aldanyp qaldy
ShQO ákimdiginiń málimetine súıensek, «Deıneka» kompanııasyna brondaý sharttary boıynsha Óskemenniń 50 turǵyny 737 mln teńge tólegen.
Alaıda búgingi kúnge deıin olarǵa úı berilmedi. Belgili bolǵandaı, atalǵan qurylys kompanııasy azamattardy úleskerlikke zańsyz tartqan.
«Qazirgi ýaqytta qarajat tek jeti adamǵa qaıtaryldy. 13 adam sotqa talap aryz berdi. 17-si kompanııanyń aqshany óz erkimen qaıtarýyn kútýde. Taǵy 13 adam qurylysty aıaqtaýdy talap etip otyr. Degenmen kompanııanyń shotynda múlde aqsha joq. ıAǵnı, obektilerdi aıaqtaýǵa da esh múmkindigi joq», - deıdi oblys ákimi Danıal Ahmetov.
Kompanııa toǵyz qabatty úıler salmaqshy bolǵan. Qazir fırma ókilderi bir úıdi toǵyz emes, alty qabatpen aıaqtaýǵa múmkindik berýdi surap otyr.
«Bul - kelisimshartty jáne jobalaý-smetalyq qujattamany tikeleı buzý. Aýdıtten keıin jumystardy oryndamaý faktileri anyqtaldy. Bir ustanym boıynsha shartty buzý jáne zalaldy óteý týraly talap aryz berildi. Sebebi bul kompanııanyń memleketti jáne onyń seriktesterin qaıtadan aldamaıtynyna kepildik joq. Sondyqtan biz «Deıneka» fırmasynyń barlyq qatysýshylarmen brondaý sharttaryn buzyp, adamdarǵa aqshany tolyǵymen qaıtaryp berýin talap etemiz», - deıdi aımaq basshysy.