ShQO-da kún raıyna baılanysty taǵy bir aýdanda oqýshylar mektepke barmaıdy
Óskemende 20 qarashadan beri qolaısyz meteorologııalyq jaǵdaı qalyptasqan. Soǵan oraı 27 qarashada túski aýysymdaǵy 1-11 synyp oqýshylardyń sabaq ýaqyty qysqartyldy. Al 28-29 qarasha kúnderi túgel mektepter onlaın formatqa kóshirildi. Bul oblys tarıhyndaǵy alǵashqy jaǵdaı. Sebebi buǵan deıin sabaq tek aıazdy kúnderi, kóktaıǵaq pen jel jyldamdyǵy artqan kezde ǵana bolmaıtyn.
Búgin oblystaǵy taǵy bir aýdandaǵy ekinshi aýysymdaǵy oqýshylar mektepte barmaıtyn boldy. Bul týraly ShQO Aqparat ortalyǵynan málim etti.
«Glýbokov aýdanynda qolaısyz metereologııalyq jaǵdaıǵa baılanysty birqatar mektepter qashyqtan oqytýǵa aýysady. Atap aıtqanda, Opytnoe pole aýylynyń orta mektebi, Stepnoe aýylynyń negizgi mektebi, Ýshanovo aýylyndaǵy Momyshuly atyndaǵy mektep jáne Praporşıkovo aýylyndaǵy Qonaev atyndaǵy orta mektep», – delingen habarlamada.
Eske salsaq, osyǵan deıin Óskemendegi Nazarbaev dańǵylynda ornalasqan Dostyq úıi men Gagarın býlvary kóshesiniń mańyndaǵy turǵyn úılerdiń halqy aýa sapasynyń nasharlap ketkenine shaǵymdanǵan.
Ekologtar tekserý júrgizgen soń hlorsýteginiń shekti ruqsat etilgen kontsentratsııasynan asyp ketýi tirkelgen.
Kesheden beri qala mektepterinde oqýshylar onlaın formatqa aýystyrylǵan.
Sarapshylar aýa sapasynyń monıtorıngi sylbyr júrgiziletinin synady.