ShQO-da Quqyq qorǵaý qyzmetteri ortalyǵy ashyldy
Saltanatty is-sharaǵa Shyǵys Qazaqstan oblysynyń ákimi Danıal Ahmetov, oblys prokýrory Qusaıyn Igembaev, oblys máslıhatynyń depýtaty Vladımır Golovatıýk, sondaı-aq, quqyq qorǵaý organdarynyń basshylary men qoǵamdastyq ókilderi qatysty.
Oblys ákimi D.Ahmetov óziniń quttyqtaý sózinde: «Memlekettik qyzmettiń mindetteri - azamattardy qabyldap, tyńdaý, olardy kabınetten kabınetke joldamaı, barlyq, tipti bolmashy máselelerin sheshý qajet, bul týraly Elbasy únemi aıtady, sondyqtan, Ortalyqtyń ashylýy bizdiń aýmaq úshin mańyzdy oqıǵa dep esepteımin», - dep basa aıtty.
«Azamattarǵa «bir tereze» qaǵıdasy boıynsha quqyqtyq sıpattaǵy konsýltatsııalyq keńes kórsetiletin bolady. Ortalyqtyń negizgi maqsaty - azamattardyń senim deńgeıin kóterý, shaǵymdardy jedel sheshim, ákimshilik kedergilerdi joıý», - dedi oblys prokýrory Q.Igembaev óz sózinde.
Shyǵys Qazaqstan oblysynyń turǵyndaryn osy Ortalyqta advokattar, jeke sot oryndaýshylary, medıatorlar, Ádilet departamentiniń, Quqyqtyq statıstıka basqarmasynyń, halyqqa qyzmet kórsetý ortalyǵynyń ókilderi, probatsııa qyzmetkerleri qabyldap, konsýltatsııa berip, «bir tereze qaǵıdasy» boıynsha tegin kásibı zań kómegin kórsetedi.
Ortalyqta barynsha qolaıly jaǵdaılar jasalǵan, qyzmetkerlerge arnalǵan ashyq kabınetter, yńǵaıly kútý zaly, elektrondy kezek bar. Múmkindigi shekteýli adamdar da umytylǵan joq. Bul jerde pandýstar, taktıldi kórsetkish, jazbalar, múgedekterge kómek kórsete alatyn mamandardy shaqyrý úshin arnaıy tetikter ornatylǵan.
Budan da basqa, 8(7232)700-100 telefony arqyly ártúrli mamandarǵa aldyn ala jazylýǵa bolady.
Sonymen qatar, kez kelgen azamat quzyretti organǵa, onyń ishinde, ortalyq deńgeıdegi organdarǵa beıneótinish bere alady. Ortalyqta azamattardyń ujymdyq aryzdary da qabyldanady.
Aı saıyn Ortalyqta oblys turǵyndary úshin barlyq quqyq qorǵaý organdarynyń basshylarynyń qatysýymen qabyldaý júrgizý josparlanǵan.