ShQO-da kóshi-qon zańnamasyn buzǵan 8 mıgrant anyqtaldy

ÓSKEMEN. QazAqparat – Shyǵys Qazaqstan oblysynda kóshi-qon zańnamasyn buzǵan 8 mıgrant jaýapqa tartyldy, dep habarlaıdy QazAqparat tilshisi.

ShQO polıtsııa departamenti baspasóz qyzmetiniń málimetine súıensek, 1 qazannan bastap óńir aýmaǵynda «Ýchaske» jedel aldyn alý sharasy júrgizilýde. Sonyń barysynda kóshi-qon zańnamasyn saqtamaıtyndar, Qazaqstan Respýblıkasynda bolý tártibin buzatyn sheteldikter anyqtalýda.

Qazirgi ýaqytta polıtsııa qyzmetkerleri 3 964 páterdi, 3644 jeke turǵyn úıdi jáne 170 sharýa qojalyǵyn aralady. Іshki ister organdarynda esepte turǵan 1,5 myńnan astam adam tekserildi.

«Nátıjesinde, kóshi-qon zańnamasyn buzǵan 8 sheteldik azamat ákimshilik jaýapqa tartyldy. Sondaı-aq el aýmaǵynda tirkeýsiz nemese jeke basyn kýálandyratyn qujatsyz turyp jatqan 40-qa jýyq adam anyqtaldy», - dep habarlady vedomstvo ókilderi.

Aıta keteıik, «Ýchaske» sharasy 1 qarashaǵa deıin jalǵasady.