ShQO-da kóshi-qon zańnamasyn buzǵan 1700-den astam sheteldik jaýapqa tartyldy
ShQO Polıtsııa departamenti baspasóz qyzmetiniń málimetinshe, óńir aýmaǵynda shetel azamattarynyń bolýy, mıgranttardyń kelýi jáne shyǵýy qatań baqylaýǵa alynǵan.
«Qoldanystaǵy zańnamaǵa sáıkes sheteldikterge 30 táýlikke deıin, al Eýrazııalyq ekonomıkalyq odaq elderiniń azamattary úshin 90 táýlikke deıin Qazaqstan Respýblıkasynda ýaqytsha turýǵa ruqsat talap etilmeıdi. Al 6 negiz boıynsha ol ýaqyttan asyryp turǵa bolady: jumys, emdelý, otbasyn biriktirý, oqý jáne taǵy basqa. Biraq ol úshin ruqsat alý qajet», - dedi oblystyq PD kóshi-qon qyzmeti basqarmasy bastyǵynyń mindetin ýaqytsha atqarýshy Rınat Shkıbaev.
Kelý maqsatyna qaramastan, qabyldaýshy tarap kóshi-qon qyzmetine sheteldiktiń QR aýmaǵynda ornalasqan jeri týraly úsh jumys kúni ishinde habarlaýǵa mindetti.
Jyl basynan beri oblys boıynsha halyqtyń kóshi-qony salasyndaǵy QR zańnamasyn buzǵany úshin 1700-den astam sheteldik jáne 769 qabyldaýshy adam ákimshilik jaýapqa tartyldy.