ShQO-da koronavırýsqa qarsy vaktsına egýdiń ekinshi kezeńi bastaldy
Vaktsınatsııanyń ekinshi kezeńin júrgizý úshin reseılik «Spýtnık V» preparatynyń 6700 dozasy jetkizilgen. Birinshi kezeńde koronavırýsqa qarsy kúreske tikeleı qatysatyn 1300 medıtsına qyzmetkeri vaktsınatsııalanǵan bolatyn. Osydan keıin, 22 aqpanda dárigerler revaktsınatsııadan ótti.
Búgin oblysta koronavırýsqa qarsy vaktsınatsııalaýdyń ekinshi kezeńi bastaldy. Endi pandemııamen kúreste aldyńǵy qatarda bolmaǵan basqa dárigerler vaktsına alady. Sondaı-aq naýryz aıynyń sońyna deıin muǵalimder men polıtseılerge ekpe egiledi.
«Árbir emhanada vaktsınatsııalaý úshin jeke kabınet jabdyqtalǵan. Onda dáriger, vaktsına salatyn jáne tirkeýshi medbıkeler bar. Sonymen qatar jeke kabınet te qarastyrylǵan. Ol jerde vaktsına alǵandar 30 mınýt boıy baqylaýda bolady», – dep habarlady ShQO Densaýlyq saqtaý basqarmasynyń baspasóz qyzmeti.
Vaktsınanyń birinshi komponentin alǵandar tiziminde oblystyq qan ortalyǵynyń sapany baqylaý bóliminiń zerthana mamany Svetlana Pavlıtskaıa bar.
«Vaktsına túrli aýrýlarmen kúresýdiń eń negizgi ádisi. Bizge ujymdyq ımmýnıtetti damytý qajet. Ulym qazir basqa elde, ony bir jyldan astam ýaqyt kórmedim. Halyq ár túrli shekteýlerden sharshap, qarapaıym ómirge tezirek oralǵysy keledi. Osy rette, turǵyndarǵa koronavırýsqa qarsy vaktsınatsııadan qorqýdyń qajeti joq dep aıtqym keledi», – dedi ol.
Vaktsınatsııanyń bastalýyna qaramastan, mamandar saqtyq sharalaryn, QR Bas memlekettik sanıtarlyq dárigeriniń talaptaryn saqtaýǵa shaqyrady. Óıtkeni, vaktsınatsııa qaýipti dertpen kúresýdiń bir joly ǵana.