ShQO-da kópir salynyp jatqan Buqtyrma sý qoımasynda qatynaıtyn paromdardyń biri synyp qaldy
ShQO ákimi baspasóz qyzmetiniń málimetine súıensek, Samar men Kúrshim aýdandarynyń arasyn jalǵaıtyn «Qyzyl tý» parom ótkelinde tek bir parom júrip tur.
«Búgin Buqtyrma sý qoımasy arqyly ótetin «Qyzyl tý» parom ótkelinde ekinshi paromnyń synýyna baılanysty tek bir parom ǵana qatynap jatyr. Qazirgi tańda jóndeý jumystary bastalyp ketti. Kúrshim, Samar aýdandarynyń ákimdikteri turǵyndardy túsiniktik tanytýlaryn suraıdy. Qosymsha taǵy bir paromdy jumyldyrý boıynsha másele qarastyrylýda», - delingen aqparatta.
Sondaı-aq salynyp jatqan kópir mańynda tártip saqshylary kezekshilik uıymdastyryp, tehnıkalyq kópirmen ótemin deýshilerge qatań shekteý qoıady.
Eske salsaq, Prezıdent Qasym-Jomart Toqaevtyń tapsyrmasymen Buqtyrmada Qazaqstandaǵy eń uzyn kópirdiń qurylysy júrgizilip jatyr.