ShQO-da kópbalaly analar kelesi jyldan bastap oblysishilik avtobýstarmen tegin júredi

<p>ÓSKEMEN. KAZINFORM &ndash; Shyǵys Qazaqstan oblysynda kópbalaly analarǵa taǵy bir jeńildik jasalyp jatyr. 2025 jyldan bastap olar oblysishilik avtobýstarmen tegin júretin bolady.</p>

Qazir óńir boıynsha az qamtylǵan otbasylardan shyqqan balalar oblysishilik avtobýstarǵa tegin otyrady. Bul maqsatta 178 mln teńgeden astam qarjy bólinip, 5312 bala qamtylǵan. Bul týraly ShQO Óńirlik kommýnıkatsııalar qyzmetinde ótken baspasóz konferentsııasynda aıtyldy.

«Keler jyldan bastap «Altyn alqa», «Kúmis alqa», «Batyr ana», I jáne II dárejeli «Ana dańqy» ordenderimen marapattalǵan kópbalaly analar úshin qalaaralyq jáne aýdanaralyq qoǵamdyq kólikter tegin bolady. Oǵan qajetti qarajat jergilikti bıýdjetten bólinedi», - dedi Shyǵys Qazaqstan oblystyq Jolaýshy kóligi jáne avtomobıl joldary basqarmasy basshysy orynbasarynyń mindetin atqarýshy Qýanysh Akramov.

Óz sózinde ol Óskemende temirjol vokzaly jóndeletinin de jetkizdi.

«Óskemen-1» temirjol vokzaly kúrdeli jóndeýden ótedi. Qazir jobalyq-smetalyq qujattama daıyndalyp jatyr. Sonyń aıasynda ǵımarat tolyqtaı jóndeledi. Sondaı-aq modernızatsııalaý jumystary da josparlanyp otyr. Ondaǵy maqsat — vokzaldy múmkindigi shekteýli jandarǵa qolaıly etý», - deıdi Q.Akramov.

Eske salsaq, osyǵan deıin ShQO-daǵy parom isten shyǵyp, «Qyzyl Tý» ótkeliniń jumysy toqtaǵany habarlanǵan.