ShQO Ekonomıkalyq tergeý departamenti oblys prokýratýrasynyń úılestirýimen alkogoldi ónimderdi jasap shyǵaratyn jasyryn tseh uıymdastyrǵandardyń zańsyz áreketterine tosqaýyl qoıdy.
«Júrgizilgen tintý barysynda qoldan jasalǵan alkogoldi daıyndaıtyn qural-jabdyqtar men ydystar, 4 000 esepke alý-baqylaý markalary jáne ártúrli ataýlary bar 10 000 bótelke alkogoldi ónim tárkilendi. Óskemen qalalyq №2 sotynyń úkimimen qoldan jasalǵan esepke alý-baqylaý markarlardy paıdalanǵany, zańsyz kásipkerlik qyzmetti júzege asyrǵany úshin uıymdastyrýshy jáne onyń sybaılastaryna bas bostandyǵyn shekteý jazasy taǵaıyndaldy. Alynǵan kontrafaktilik ónim joıyldy», - dep habarlady prokýratýranyń baspasóz qyzmetinen.
Jyl basynan beri oblys boıynsha sýrrogatty alkogol ónimderin quıyp shyǵaratyn eki birdeı tseh joıylǵan.