ShQO-da Konstıtýtsııa kúnine oraı 300-den astam shara ótedi
Konstıtýtsııa kúninde Shyǵys Qazaqstannyń barlyq qala, aýdanynda merekelik sharalar ótkiziledi. Bul jaıly oblystyq ishki saıasat basqarmasy basshysynyń mindetin atqarýshy Janat Mekeeva málim etti.
«Merekede saltanatty jıyndar ótkizilip, jastarǵa tólqujattar tapsyrylady. Al kishkentaı shyǵysqazaqstandyqtar úshin konkýrstar, vıktorınalar men blıts saýalnamalar uıymdastyrylady. Qala, aýdandardyń ortalyq alańdarynda shyǵarmashylyq ujymdar men jergilikti ónerpazdardyń qatysýymen kontserttik baǵdarlamalar ótedi», - dedi ol.
Sondaı-aq, túrli taǵamdar, bal jáne ulttyq as máziri festıvalderi bolady. Sharýa qojalyqtarynyń ónimderi satylyp, qolóner sheberleriniń kórme-jármeńkeleri uıymdastyrylmaq.
«Konstıtýtsııa kúni aıasynda jańa áleýmettik nysandar da ashylady. Jalpy, óńir boıynsha 300-den astam shara ótkizý kózdelip otyr. Mereke otshashýmen aıaqtalady», - dedi Janat Mekeeva.