ShQO-da kólik aıdaǵan adamnyń qanynan esirtki tabyldy

<p>ÓSKEMEN. KAZINFORM &ndash; Shyǵys Qazaqstan oblysy Altaı aýdanynda esirtki qabyldap alǵan adam kóshede kólik aıdaǵan.&nbsp;</p>

Tártip saqshylary Altaı aýdany Jańa Buqtyrma kentiniń kóshelerin patrýldeý kezinde júrisi kúdik týdyrǵan avtokólikti toqtatty. 35 jastaǵy júrgizýshi medıtsınalyq kýálandyrýdan ótkennen keıin, onyń esirtkige mas kúıde bolǵany anyqtaldy.

«Sonymen qatar azamattyń naýryz aıynda sot sheshimimen 7 jyl merzimge kólik quralyn basqarý quqyǵynan aıyrylǵany belgili boldy. Osyǵan qaramastan ol qaıtadan kólik tizginine otyrǵan», - delingen ShQO Polıtsııa departamenti taratqan aqparatta. 

Atalǵan fakti boıynsha qylmystyq is qozǵaldy. Qazirgi ýaqytta er adam ýaqytsha ustaý ızolıatoryna qamaldy. 

Osy rette, polıtseıler jol qozǵalysyna qatysýshylarǵa mas kúıde kólik aıdaýdyń qaıǵyly jaǵdaıǵa dýshar qylýy múmkin ekenin qatań eskertedi.