ShQO-da kólikti zańdastyryp berýge ýáde etken alaıaq sottaldy

ÓSKEMEN. QazAqparat – Óskemen qalasynyń turǵyndaryn kólikti zańdastyryp beremin dep aldaǵan alaıaqtyń bas bostandyǵy 3 jyl 7 aı merzimge shekteldi, dep habarlaıdy QazAqparat tilshisi.

ShQO boıynsha Qylmystyq-atqarý júıesi departamenti baspasóz qyzmetiniń málimetine súıensek, qala turǵyndaryna ózin mamandandyrylǵan Halyqqa qyzmet kórsetý ortalyǵynyń qyzmetkeri retinde tanystyrǵan 28 jastaǵy er adam shet elderden ákelingen kólikti zańdastyrýǵa kómektese alatyndyǵyn aıtqan.

«Alaıda onyń sheteldik avtokólikti zańdastyrý qyzmetimen aınalysýǵa zańdy quqyǵy múlde bolmaǵan. Osylaısha, 2 azamattyń senimine kirgen alaıaq 1 mln 700 myń teńge paıda kórgen. Jábirlenýshilerdiń shaǵymynan soń is sotqa jetti. Sot sheshimimen aıyptalýshy 3 jyl 7 aı mergimze bas bostandyǵynan shekteldi», - delingen aqparatta.

Qazirgi ýaqytta er adamǵa probatsııalyq baqylaý taǵaıyndalǵan. Eger probatsııa qyzmetkerlerinen jaltarǵan jaǵdaıda ol túrmege qamalady.