ShQO-da kólikteri batpaqqa batyp qalǵan 9 adamǵa kómek kórsetildi

ÓSKEMEN. QazAqparat – Shyǵys Qazaqstan oblysynda qutqarýshylar kólikteri batpaqqa batyp qalǵan 9 adamǵa kómek kórsetti, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, «112» nómirine qońyraý shalǵan azamat Buqtyrmadaǵy demalys bazalarynyń birine barar jolda aýa-raıynyń qolaısyzdyǵynan kólikteri batpaqqa batyp qalǵandyǵyn aıtqan. Osylaısha, 9 adam jolda qaldy.

«Qutqarýshylar jol talǵamaıtyn tehnıkamen oqıǵa ornyna jedel kelip jetti. 9 adam, onyń ishinde 1 bala evakýatsııalandy. Eki avtokólik batpaqtan súıretilip shyǵaryldy. Sodan keıin saıahatshylar óz joldaryn ary qaraı jalǵastyra aldy», - dep habarlady vedomstvo ókilderi.

Osy rette, TJD mamandary óńir jurtshylyǵynan alys jolǵa shyqqanda qaýipsizdik sharalaryn qatań saqtaý qajettigin eskertedi. Qolaısyz aýa raıynda jetýi qıyn jerlerge barmaǵan jón.