ShQO-da kólik salyǵyn tólemegenderdiń qaryzy 1 mlrd teńgege jýyqtady

ÓSKEMEN. QazAqparat – Shyǵys Qazaqstan oblysynda kólik salyǵyn tólemegenderdiń jalpy qaryzy 1 mlrd teńgege jýyqtady, dep habarlaıdy QazAqparat tilshisi.

ShQO boıynsha memlekettik kirister departamentiniń málimetine súıensek, óńirde 367 myńnan astam kólik tirkelgen.

Kólik ıeleriniń arasynda salyqty ýaqytyly tólemeıtinder az emes.

Qazirgi ýaqytta kólik salyǵyn tólemegenderdiń qaryzy 989 mıllıon teńgeni qurap otyr. Boryshkerlerdiń jalpy sany – 45 myń adam.

Salyq tólemeı júrgenderdiń deni – Óskemen qalasynda. Olardyń qaryzy shamamen 400 mln teńgeni quraıdy.

«Salyqty óndirý úshin 37 myń boryshkerge bereshektiń bar ekendigi týraly habarlama jiberildi. 15 myńǵa jýyq adam qaryzdy óndirip alýǵa qatysty salyqtyq buıryq alǵan. Sondaı-aq 14 myń salyq buıryǵy májbúrli túrde óndirý úshin quzyrly organdarǵa berildi», - dedi ShQO boıynsha memlekettik kirister departamenti basshysynyń orynbasary Erjan Ktanov.

Aıta keteıik, jeke tulǵalar úshin kólik salyǵyn tóleý merzimi jyl saıyn 1 sáýirde aıaqtalady.