ShQO-da kóktem shyqqaly beri 72 dala órti tirkeldi
ShQO Tótenshe jaǵdaılar departamenti baspasóz qyzmetiniń málimetine súıensek, órt faktileriniń aldyn alý úshin quramyna qutqarýshylar, polıtsııa qyzmetkerleri, ormanshylar men jergilikti atqarýshy organ ókilderi kiretin 69 mobıldi top qurylǵan. Olar osy ýaqytqa deıin 236 reıd júrgizip, sonyń nátıjesinde 223 zańbuzýshylyq anyqtaldy. Zań talaptaryna baǵynbaǵandar QR ÁQBtK-niń 336 jáne 410 baptary boıynsha ákimshilik jaýapkershilikke tartylǵan.
«Órt qaýpi joǵary kezeń bastalǵaly beri óńir boıynsha 72 ret dalany qyzyl jalyn sharpydy. Tilsiz jaýdyń jalpy aýdany 1657 gektardy quraǵan. Máselen, 16 mamyrda Kókpekti aýdany Mırolıýbovka aýylynda jergilikti atqarýshy organ qyzmetkerleri men órt sóndirýshiler aýdany 10 gektarǵa jetetin órtti aýyzdyqtady. Aldyn ala málimet boıynsha órttiń shyǵýyna – turǵyndardyń otpen abaısyz áreket etýi sebep bolýy múmkin», - delingen habarlamada.
Sonymen qatar qutqarýshylar jalyn shyqqan oshaqty birgen anyqtaý úshin kosmomonıtorıngti paıdalanýde. «Geosat» JShS-men jasalǵan kelisim-shart aıasynda termonúkteler boıynsha derekterdi alýǵa múmkindik bar.