ShQO-da kóktaıǵaq bolyp, oqýshylar úıden oqyp jatyr

<p>ÓSKEMEN. KAZINFORM &ndash; Shyǵys Qazaqstan oblysy Glýbokoe aýdanyndaǵy birneshe mektep oqýshylary kóktaıǵaqqa baılanysty onlaın formatta bilim alatyn boldy.</p>

ShQO tótenshe jaǵdaılar departamenti kóktaıǵaq týraly aqparatty halyqqa áleýmettik jeliler men messendjerler arqyly taratty.

«Balalardyń qaýipsizdigin qamtamasyz etý maqsatynda mektepterdegi oqýdy onlaın formatqa aýystyrý týraly sheshim qabyldandy. Kóktaıǵaq ásirese aýyl halqynyń ary-beri júrýine qolaısyzdyq pen jaraqat alý qaýpin týdyrady», — dep habarlady vedomstvo ókilderi.

Glýbokoe aýdanyndaǵy Beloýsovka, Predgornoe, Progress, Kojohovo, Opytnoe pole aýyldarynda 0-9 synyptar aralyǵyndaǵy oqýshylar sabaqty qashyqtan oqıdy.

Eske salsaq, osyǵan deıin 7 qarasha kúni qatty jelge baılanysty Pavlodar oblysynyń barlyq aımaǵynda sabaqtar onlaınǵa kóshirilgeni habarlanǵan. https://kaz.inform.kz/news/katti-zhelge-baylanisti-pavlodar-oblisinin-barlik-aymaginda-sabaktar-onlaynga-koshrld-f3beee/