ShQO-da qyzylsha juqtyrǵan bala sany 150-ge taıap qaldy

<p>Shyǵys Qazaqstan oblysynda qyzylsha juqtyrǵan bala sany 150-ge taıap qaldy, dep habarlaıdy <a href="https://kaz.inform.kz/?_gl=1*1cookbu*_ga*MTMxOTQ2NjU5MC4xNjk4Mzc1OTcw*_ga_Y44SMVECD5*MTY5ODM3NTk2OS4xLjAuMTY5ODM3NTk2OS42MC4wLjA.&amp;pk_vid=1dac2fba2c02ff6916983759715aaacc" target="_blank" rel="noopener">Kazinform.</a></p>

ShQO Sanıtarlyq-epıdemıologııalyq baqylaý departamentiniń málimetine súıensek, búgingi tańda óńir boıynsha 209 adam qyzylsha juqtyrǵan. Onyń ishinde 14 jasqa deıingi bala sany – 147. Bul naýqastardyń jalpy sanynyń 70 paıyzy.

«Glýbokoe aýdanynda – 6, Zaısan aýdanynda – 34, Altaı aýdanynda – 35, Samar aýdanynda – 8, Rıdder qalasynda – 1, Ulan aýdanynda – 4, Óskemen qalasynda – 120, Shemonaıha aýdanynda – 1 naýqas tirkeldi. Syrqatqa shaldyqqandardyń kóbi ekpe almaǵan jáne vaktsınatsııa týraly málimetteri joq adamdar (65%). Júrgizilgen epıdemıologııalyq tekserý nátıjesinde 13 adamnyń Almaty, Atyraý qalalarynda jáne Túrkııa, Tájikstan elderinen aýyryp kelgeni anyqtaldy», - deıdi departament basshysy Qanat Turdıev.

Onyń aıtýynsha, qarasha aıynan bastap qyzylshaǵa qarsy 6-11 aılyq balalarǵa, jeltoqsannan 2-4 jastaǵy balalarǵa qosymsha jappaı ımmýndaý júrgizilýde. Qazirde 6-11 aı aralyǵyndaǵy 2600 bala, 2-4 jastaǵy 10 179 bala ekpe aldy.