ShQO-da qystyń kóziń qyraýda aýyl mektebinde jaryq pen jylý óship qaldy

<p>ÓSKEMEN. KAZINFORM — Shyǵys Qazaqstan oblysy Glýbokoe aýdanyndaǵy mektepte jaryq pen jylý óship qaldy.</p>

Glýbokoe aýdany Cheremshanka aýylyndaǵy mektepte jylý men jaryq óship qalǵan.

Bilim ordasyna Shyǵys Qazaqstan oblysynyń ákimi Ermek Kósherbaev bardy.

Foto: ShQO ákiminiń baspasóz qyzmeti

«Týyndaǵan máseleniń anyq-qanyǵymen tanystym. Keshe transformatorlyq qosalqy stansanyń jumysyndaǵy aqaýlarǵa baılanysty jaryq pen jylytý júıesi isten shyqqan. Bul kezde mektepte oqýshylardyń bolmaǵanyn birden atap óteıin. Óıtkeni olar qashyqtan oqyp jatty», — dedi ákim.

Qazirgi ýaqytta «Birikken energoservıstik kompanııa» AQ qyzmetkerleri jedel mektepke kelip, apattyń sebebin anyqtap, elektr qýaty men jylýdy iske qosqan.

Sondaı-aq Ermek Kósherbaev bilim mekemesin ortasha jóndeý qaı kezeńge josparlanǵanymen tanysyp, pedagogıkalyq ujymmen ózekti máselelerdi talqylady.