ShQO-da qazandyq jarylysynan jaraqat alǵan eki adamnyń jaǵdaıy qalaı

<p>Shyǵys Qazaqstan oblysy Zaısan aýdanynda jylytý qazandyǵy jarylysynan jaraqat alǵan eki adamnyń biri aýrýhanadan shyǵaryldy, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

14 qazanda Zaısan qalasyndaǵy qoǵamdyq monshada jylytý qazandyǵy jarylyp, sonyń saldarynan bir adam qaza bolyp, eki adam jaraqat alǵan edi.

Zardap shekkenderdiń qazirgi jaǵdaıy týraly ShQO densaýlyq saqtaý basqarmasynyń baspasóz qyzmetinen málim etti.

«Jaǵdaıy jaqsaryp qalǵan naýqastardyń biri aýrýhanadan shyǵaryldy. Endi ol ambýlatorlyq em qabyldaıdy. Al ekinshisi aýrýhanada medıtsınalyq kómek alyp jatyr. Er adam basynan jaraqat alǵan. Sondaı-aq basy men moıny jeńil dárejedede kúıip qalǵan», - delingen aqparatta.

Aıta keteıik, qazirgi ýaqytta arnaıy qurylǵan komıssııa jazataıym oqıǵanyń sebep-saldaryn anyqtap jatyr.