ShQO-da qazaq tili páni muǵalimderiniń jartysyna jýyǵynyń bilim deńgeıi tómen

ÓSKEMEN. QazAqparat – Shyǵys Qazaqstan oblysynyń ákimi Danıal Ahmetov qazaq tili muǵalimderiniń 49%-nyń bilim deńgeıi tómendigin málimdedi, dep habarlaıdy QazAqparat tilshisi.

Búgin oblys ákimdiginde ótken jınalys barysynda Danıal Ahmetov Shyǵys Qazaqstandaǵy balalardyń qazaq tilin durys bilmeýiniń sebebi ustazdardyń kásibı deńgeıiniń tómendiginen ekendigin aıtty.

«Taldaý kórsetkendeı, qazaq tili muǵalimderiniń 10 paıyzdan astamynyń bilim deńgeıi oqýshylardyń deńgeıinen sál ǵana joǵary. Ustazdardyń 49 paıyzy ózderi sabaq beretin pándi jetik bilmeıdi. Al 36 paıyzynda bazalyq bilim bar», - dedi aımaq basshysy.

Sondaı-aq orys tili muǵalimderiniń 28 paıyzynyń bilim deńgeıi tómen. Qazirgi ýaqytta bul pedagogtar arnaıy oqýdan ótýde.

«Qazaq tiliniń 2200 muǵalimi qaıtadan partaǵa otyryp, bilimderin arttyrýda. Aǵylshyn tiline qatysty mundaı másele joq. 4 myń ustaz biliktilik arttyrý kýrstarynan ótip, bilim sapasy 53 paıyzdan 62 paıyzǵa artty», - dedi Danıal Ahmetov.

Esterińizge sala ketsek, osyǵan deıin Shyǵys Qazaqstanda 27 kardıolog dáriger jetispeıtindigin habarlaǵan edik.