ShQO-da qaýipsizdik erejelerin saqtamaýdyń saldarynan 70 órt shyqty

ÓSKEMEN. QazAqparat – Shyǵys Qazaqstan oblysynda jyl basynan beri elektr jabdyqtaryn paıdalanǵan kezde qaýipsizdik erejelerin saqtamaýdan 70 órt shyqty, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, óńir boıynsha bıyl elektr jabdyqtaryn paıdalanǵan kezde qaýipsizdik erejelerin saqtamaýdan 70 órt bolǵan.

«Máselen, 8 naýryz kúni saǵat 18.38-de Semeı qalasyndaǵy Nurbaev kóshesinde ornalasqan jer úı órtendi. Qyzyl jalyn shatyrdy, tereze blogynyń aǵash qurylymdaryn, jıhaz ben jeke zattardy sharpydy. Qutqarýshylar órtti sóndirý barysynda ishten 2 gaz ballonyn alyp shyqty», - delingen aqparatta.

Sondaı-aq osy kúni Shemonaıha aýdanynda jeke turǵyn úıdiń shatyry, jáne sharýashylyq qora-jaılardyń aǵash qurylymdary órtendi.

Oqıǵa ornyna №28 órt sóndirý bóliminiń qyzmetkeri shuǵyl kelip jetti. Kóp uzamaı jalpy aýdany 80 sharshy metrge jetken ot tolyqtaı sóndirilgen.