ÓSKEMEN. QazAqparat – Shyǵys Qazaqstan oblysynda qatty jel mekteptiń shatyryn ushyryp áketti, dep habarlaıdy QazAqparat tilshisi.
Borodýlıha aýdanynda qatty soqqan jelden mekteptiń shatyry búlingen. Bul týraly aýdan ákimdiginen málim etti.
«Peschanka aýylyndaǵy daýyldyń saldarynan orta mektep ǵımaratyna zaqym keldi. Naqty aıtqanda, jel qubyrdy buzyp, shatyrdyń bir bóligin ushyryp áketti. Qazirgi ýaqytta qalypqa keltirý jumystary júrgizilip jatyr», - delingen habarlamada.
Eske salsaq, osyǵan deıin Shyǵys Qazaqstan oblysyndaǵy 167 mektep kúrdeli jóndeýdi qajet etetindigi habarlanǵan bolatyn. Alaıda olardyń tek 73-i ǵana jóndeýden ótýde. Qalǵan mektepter úshin áli qarajat qarastyrylmaǵan.
Talǵatjan Muhametbekuly
Óskemendegi S.Amanjolov atyndaǵy ShQÝ-dy "Jýrnalıstıka" mamandyǵy boıynsha támamdaǵan. Eńbek jolyn 2015 jyly ShQO "Aldaspan" gazetinde tilshi bolyp bastady. ShQO "Meniń ólkem" gazetinde tilshi, respýblıkalyq "Jas qazaq", "Zań" gazetterinde Shyǵys Qazaqstan oblysy boıynsha menshikti tilshi, ShQO "Meniń ólkem" gazetiniń bas redaktory qyzmetterin atqarǵan. Kazinform agenttiginde 2021 jyldan beri jumys istep keledi.