ShQO-da qatty boranda óz kólikterine jete almaı qalǵan 3 balyqshy qutqaryldy
ShQO Tótenshe jaǵdaılar departamenti baspasóz qyzmetiniń málimetine súıensek, «112» qyzmetine qońyraý shalǵan azamat Ulan aýdany Sibe kólinde balyq aýlap júrip, qıyndyqqa tap bolǵanyn jetkizdi.
«Belgili bolǵandaı, 3 balyqshy aýa raıynyń qolaısyzdyǵyna baılanysty óz kólikterine jete almaı qalǵan. Balyq aýlaǵan jerde soqqan qatty boran olardy tyǵyryqqa tiregen. Kóp uzamaı oqıǵa ornyna kelgen Ulan aýdandyq TJB №13 órt sóndirý beketiniń qyzmetkerleri úsh adamdy kól jaǵasyndaǵy kólikterine jetkizdi. Qaýipsizdik maqsatynda qutqarýshylar jaqyn mańdaǵy Bozanbaı aýylyna deıin erip júrdi», - delingen aqparatta.
Osy rette, oblystyq TJD qyzmetkerleri óńir jurtshylyǵyn qalyń qar jaýyp, boran soǵatyny týraly aldyn ala habardar etken bolatyn. Qutqarýshylar turǵyndardan táýekelge barmaýdy jáne eldi mekenderden tys jerlerge shyqpaýdy suraıdy.
Foto: t.me/qr_tjm