ShQO-da qarasha aıynan bastap qystyń sońyna deıin birneshe jolda kólik qozǵalysy shekteldi

<p>ÓSKEMEN. KAZINFORM &ndash; Shyǵys Qazaqstan oblysynda qarasha aıynan bastap qys mezgiliniń sońyna deıin birneshe jolda kólik qozǵalysy shekteldi.</p>

«KAJservıs» JShS málimetine súıensek, 1 qarashadan bastap óńirdegi respýblıkalyq mańyzy bar joldarǵa shekteý engizildi.

«Óskemen-Rıdder-Reseı Federatsııasy shekarasy tasjolynyń 94-104 shaqyrymynda (Býtakovo aýyly men Rıdder qalasynyń aralyǵy) saǵat 20:00-den 6:00-ge deıin, Óskemen-Altaı-Úlken Naryn-Katonqaraǵaı-Rahman qaınarlary tasjolynyń 44-66 shaqyrymynda (Osınov asýy) tirkemesi nemese jartylaı tirkemelesi bar kólikterdiń qozǵalysyna tyıym salyndy», - delingen aqparatta.

Bul shekteýdiń sebebi - burylysy kóp ýchaskelerde aýyr júk kólikteriniń jol apatyna ushyraý qaýpi joǵary.

Eske salsaq, osyǵan deıin Óskemende áıeldi poıyz qaǵyp ketkeni habarlanǵan.