ShQO-da karantın talaptaryn saqtamaıtyndar tyıylmaı otyr
Óńirde arnaıy qurylǵan monıtorıngilik toptar karantın talaptarynyń saqtalýyn qadaǵalaý úshin qoǵamdyq kólikterde, dúkenderde, dárihanalar men basqa da mekemelerde kún saıyn reıd júrgizýde.
«15 sáýir kúni Óskemende karantın talabyn buzýdyń 25 faktisi anyqtaldy. Sondaı-aq buryn tirkelgen zańbuzýshylyqtar boıynsha 175 020 teńge mólsherinde aıyppul salyndy», - delingen ShQO Aqparat ortalyǵy taratqan málimette.
Semeı qalasynda 382 nysan tekserilip, shekteý sharalary men maska rejımin buzǵan 25 adam tirkeldi. 43 755 teńge mólsherinde 1 hattama toltyrylyp, 218 775 teńge somasynda 5 aıyppul óndirildi.
Sondaı-aq Altaı aýdanynda monıtorıngilik top músheleri tekserý barysynda 148 nysanda shekteý sharalaryn buzýdyń 2 faktisin anyqtady. Shemonaıha aýdanynda 78 nysan qamtylyp, karantın talabyn buzǵan 1 adam tirkeldi.