ShQO-da karantın talaptaryn saqtamaıtyndar áli de anyqtalýda
Óńirde arnaıy qurylǵan monıtorıngtik toptar karantın talaptarynyń saqtalýyn qadaǵalaý úshin qoǵamdyq kólikterde, dúkenderde, dárihanalar men basqa da mekemelerde kún saıyn reıd júrgizýde.
«19 mamyr kúni Semeı qalasynda 138 obekti tekserildi. Oblystyń Bas sanıtarlyq dárigeri belgilegen shekteý sharalaryn buzýdyń 5 faktisi tirkeldi. Naqty aıtqanda, saýda oryndarynda, qoǵamdyq tamaqtaný obektilerine maska rejımin saqtamaǵandar anyqtaldy. 87 510 teńge somasynda 2 hattama toltyryldy», - delingen ShQO Aqparat ortalyǵy taratqan málimette.
Sonymen qatar Rıdderde tekserý barysynda 77 nysan qamtyldy. Shekteý sharalaryn buzý faktileri tirkelgen joq. Al Altaı aýdanynda 137 nysan tekserilip, 2 buzýshylyq anyqtaldy. Budan bólek, Úrjar aýdanynda karantın talabyn buzǵan 1 adam tirkeldi.