ShQO-da karantın talaptaryn buzýshylar azaımaı tur
Arnaıy qurylǵan monıtorıngtik toptar kún saıyn reıd júrgizip, karantındik shekteýlerdiń saqtalýyn jiti qadaǵalaýda. 5 naýryz kúni óńir boıynsha 52-den astam ereje buzýshylyq tirkelgen.
«Semeıde 311 obektige tekserý júrgizildi. Sonyń nátıjesinde 45 buzýshylyq anyqtaldy. Kóbinese saýda úılerinde, bazarlarda jáne qoǵamdyq kólikterde maska taqpaǵandar bolǵan. 131 265 teńge somasyna 3 hattama toltyryldy», - dep habarlady ShQO Aqparat ortalyǵy.
Rıdder qalasynda monıtorıngtik toptar 5 ret reıdke shyqty. Sonyń barysynda 74 nysan qamtyldy. Kelýshilerge maskasyz qyzmet kórsetken 5 adam tirkelgen.
Kýrchatov qalasynda 24 kásipkerlik nysanyn tekserý barysynda bir ereje buzýshylyq anyqtaldy. Al Glýbokoe aýdanynda 23 obektige 18 reıd júrgizilgen. Nátıjesinde kóshede maska taqpaı júrgen 1 turǵynǵa 43 755 teńge mólsherinde aıyppul salyndy.