ShQO-da karantın talaptaryn buzýdyń 17 faktisi tirkeldi

ÓSKEMEN. QazAqparat – Shyǵys Qazaqstan oblysynda shekteý talaptaryn buzýdyń 17 faktisi anyqtaldy, dep habarlaıdy QazAqparat tilshisi.

Óńirde arnaıy qurylǵan monıtorıngtik toptar karantın talaptarynyń saqtalýyn qadaǵalaý úshin qoǵamdyq kólikterde, dúkenderde, dárihanalar men basqa da mekemelerde kún saıyn reıd júrgizýde.

«25 sáýir kúni Óskemen qalasynda 145 obekti tekserildi. Oblystyń Bas sanıtarlyq dárigeri belgilegen shekteý sharalaryn buzýdyń 6 faktisi tirkeldi. Al Semeıde 350 obektige tekserý júrgizilip, maska rejımin saqtamaǵan 10 adam anyqtaldy», - delingen ShQO Aqparat ortalyǵy taratqan málimette.

Altaı aýdanynda tekserý barysynda 139 obekti qamtylǵan. Nátıjesinde karantın talabyn buzǵan 1 adam tirkeldi.