ShQO-da karantın talabyn saqtamaıtyndarǵa aıyppul salynyp jatyr

ÓSKEMEN. QazAqparat – Shyǵys Qazaqstan oblysynda bir kún ishinde shekteý talabyn buzýdyń 12 faktisi tirkeldi, dep habarlaıdy QazAqparat tilshisi.

Óńirde arnaıy qurylǵan monıtorıng toptary karantın talaptarynyń saqtalýyn qadaǵalaý úshin qoǵamdyq kólikte, dúkenderde, dárihanalar men basqa da mekemelerde kún saıyn reıd júrgizedi.

«10 maýsym kúni Óskemende 193 nysanǵa tekserý júrgizildi. Nátıjesinde ShQO bas sanıtar dárigeri belgilegen shekteý sharalaryn buzýdyń 4 faktisi tirkeldi. Semeıde 245 obekti tekserilip, maska rejımin saqtamaǵan 8 adam anyqtaldy. Sondaı-aq buryn jasalǵan buzýshylyqtar boıynsha 218 775 teńge somasyna 5 aıyppul óndirildi» delingen ShQO aqparat ortalyǵy taratqan málimette.

Budan bólek, Rıdder qalasynda monıtorıng toptary 5 reıd ótkizip, sonyń barysynda 72 nysan qamtylǵan.

Shahar boıynsha eshqandaı buzýshylyq anyqtalǵan joq.