ShQO-da karantın talabyn saqtamaǵandarǵa 1 mln teńgeden astam aıyppul salyndy
Óńirde arnaıy qurylǵan monıtorıngilik toptar shekteý sharalarynyń saqtalýyn qadaǵalaý úshin qoǵamdyq kólikterde, dúkenderde, dárihanalar men basqa da mekemelerde kún saıyn reıdter júrgizýde.
12 naýryzda Óskemende 227 obekti tekserildi. Nátıjesinde karantın talaptaryn buzýdyń 12 faktisi tirkelgen. Dúken satýshylaryna kelýshilerge maskasyz qyzmet kórsetkeni úshin 831 345 teńge aıyppul salyndy», - delingen ShQO Aqparat ortalyǵy taratqan málimette.
Semeıde júrgizilgen reıdter barysynda 332 nysan qamtylǵan. Tekserýler kezinde 17 buzýshylyq tirkeldi. Onyń ishinde saýda úılerinde, bazarlarda maska taqpaǵandar jáne buqaralyq is-shara uıymdastyrǵandar boldy. 175 020 teńge somasyna 4 hattama toltyrylyp, 218 775 teńge kóleminde 5 aıyppul óndirildi.
Shemonaıha aýdanynda 79 obektige reıd júrgizilip, talapty buzýdyń 4 faktisi anyqtaldy.
Glýbokoe aýdanynda 126 obekti tekserilip, maska rejımin saqtamaǵan turǵynǵa 43 755 teńge mólsherinde aıyppul salyndy.