ShQO-da qara angýs pen qazaqtyń aqbas sıyrynan jańa tuqym alyndy

ASTANA. QazAqparat - Shyǵys Qazaqstan oblysynyń Kókpekti aýdanynda qara angýs pen qazaqtyń aqbas sıyrynan jańa tuqym alyndy. Asyl tekti mal sharýashylyǵynyń asyǵyn alshysynan túsirip otyrǵan jergilikti qojalyqtardyń bul jańalyǵyn osy aýdanǵa at basyn burǵan oblys ákimi Danıal Ahmetov te jyly qabyldady, dep habarlaıdy altaynews.kz saıty .

Sonymen qatar aımaq basshysy jumys sapary barysynda kókpektilik sharýa qojalyqtarynyń ıelerimen kezdesip, agrosektordy damytýǵa qatysty máselelerdi talqylady. Bilim berý salasynda qolǵa alynǵan ilkimdi jumystarmen tanysty. Bir qýantarlyǵy, aýdannyń aǵymdaǵy jyly mektep bitirgen túlekteri Ulttyq biryńǵaı testileýdiń (UBT) nátıjesi boıynsha óńirdiń aýdandary arasynda kósh bastaǵan.