ShQO-da qar qursaýynda qalǵan kólik qutqaryldy

ÓSKEMEN. QazAqparat – Shyǵys Qazaqstan oblysy Ulan aýdanynda jolda qalǵan kólik júrgizýshisine qutqarýshylar kómektesti, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, 22 qarashada keshki ýaqytta Tarǵyn jáne Alǵabas aýyldarynyń arasyndaǵy jolda «Toyota Estima» avtokóliginiń júrgizýshisi qar qursaýynda qalǵan. Er adam qutqarýshylarǵa qońyraý shalyp, kómek surady.

«Ulan aýdanynyń №31 órt sóndirý bóliminiń qyzmetkerleri oqıǵa ornyna kelip jetti. Bir saǵattan astam ýaqyt ishinde olar avtokólikti qardan shyǵaryp, Tarǵyn aýylyna deıin jetkizip tastaǵan», - delingen aqparatta.

Aıta keteıik, oblysta daýyldy eskertý jarııalanǵan bolatyn. Búgin kúndiz óńirdiń soltústik-shyǵysynda qar jaýady. Batysynda, soltústigi men shyǵysynda boran men kóktaıǵaq bolady dep kútilýde.