ShQO-da qaldyqtar polıgony salynǵannan keıin tarıf qanshalyqty ósedi
Qazirgi kezde Semeıde 1998 jyly salynǵan 69,11 gektar aýmaqta qatty turmystyq qaldyqtardy kómýdiń polıgony bar. Eýropalyq qaıta qurý jáne damý bankimen (EQQDB) yntymaqtastyq aıasynda atalǵan polıgondy jańǵyrtý boıynsha jobany júzege asyrýǵa taldaý men zertteý júrip jatyr.
«Joba aıasynda halyqaralyq normalarǵa sáıkes jańa sanıtarlyq-tehnıkalyq polıgonnyń qurylysy josparlanǵan. Onda qýattylyǵy jylyna 100 myń tonna qaldyqty mehanıkalyq-bıologııalyq óńdeý kesheni eskerilgen. Bul maqsatqa 100 gektar jer telimi bólindi. Sonymen qatar, qatty turmystyq qaldyqtardy jınaý pýnkterin jańǵyrtý men keńeıtý qarastyrylǵan», - dep atap ótken R. Sklıar depýtattyq saýalǵa bergen jaýabynda.
Onyń aıtýynsha, Eýropalyq qaıta qurý jáne damý bankiniń jobasy Semeı qalasyna arnap jasalǵan. Polıgon qaldyqtardy óńdeýdiń tolyq tsıklyn qamtymaq.
«Tehnıkalyq-ekonomıkalyq zertteýdiń qarjylyq modeli aıasynda EQQDB konsýltattary turǵyndar úshin tarıftiń ósýiniń úsh nusqasyn usyndy (40%, 30% ı 20%). Atalǵan máseleni pysyqtaý kezinde Shyǵys Qazaqstan oblysy ákimdigi eń tıimdi nusqany tańdady. Osy oraıda 2023 jyldan 2025 jylǵa deıingi kezeńde turǵyndar úshin tarıftiń jylyna 20 paıyzdan aspaıtyn deńgeıde ósýi eskerilgen. 2025 jyldan keıin tarıftiń ósimi ınflıatsııa deńgeıinde nemese 5-6 paıyz shamasynda qarastyrylady. Aıyna bir adamǵa 268 teńge somasynda belgilengen qoldanystaǵy ortasha tarıf kezinde (QQS-ty eskere otyryp), tehnıkalyq-ekonomıkalyq zertteýge sáıkes, 2023 jyly tarıf 320 teńge bolsa, 2025 jylǵa qaraı 456 teńgege jetedi», - dedi Úkimet basshysynyń orynbasary.