ShQO-da ınternet arqyly jasalǵan 14 qylmys ashyldy

ÓSKEMEN. QazAqparat – Shyǵys Qazaqstan oblysynyń polıtseıleri ǵalamtor arqyly jasalǵan 14 qylmysty ashty, dep habarlaıdy QazAqparat tilshisi.

ShQO polıtsııa departamenti baspasóz qyzmetiniń málimetine súıensek, óńir aýmaǵynda aqparattyq tehnologııalar salasyndaǵy quqyq buzýshylyqtyń jolyn kesýge baǵyttalǵan «Anti-fraud» memleketaralyq jedel-aldyn alý sharasy bastaldy.

Bir kún ishinde polıtsııa qyzmetkerleri 14 qylmysty ashty. Olardyń basym bóligi ınternet-alaıaqtyqqa qatysty bolyp otyr.

Jedel-izdestirý sharalary barysynda tártip saqshylary «1S» baǵdarlamalyq ónimin zańsyz taratyp, avtorlyq quqyqty buzǵan Taraz qalasynyń 40 jastaǵy turǵynyn ustady.

Belgili bolǵandaı, er adam atalǵan baǵdarlamalyq ónimderdi aqshalaı syıaqy úshin ornatyp kelgen.

«Atalǵan fakti boıynsha QR QK-niń 198-baby 2-bóligine sáıkes sotqa deıingi tergeý amaldary bastaldy. Kúdiktige 80 AEK-ke deıingi mólsherde aıyppul taǵaıyndalýy múmkin», - delingen aqparatta.

Osy rette polıtsııa departamenti zııatkerlik menshiktegi avtorlyq quqyqty buzǵandardyń jaýapqa tartylatynyn eskertti.