ShQO-da halyqqa medıtsınalyq kómek kórsetýge 124,8 mlrd teńge bólingen
Onyń ishinde tegin medıtsınalyq kómektiń kepildendirilgen kólemi – 75,8 mlrd teńge, al MÁMS – 48,9 mlrd teńgeni qurap otyr. Bul jóninde onlaın brıfıng barysynda ShQO áleýmettik medıtsınalyq saqtandyrý qorynyń basshysy Ǵalymjan Ábilov málimdedi.
«Bıyl qazaqstandyqtar úshin ambýlatorııalyq-emhanalyq jáne statsıonarlyq medıtsınalyq kómek qoljetimdi bolady. Qarjylandyrýdyń kóp bóligi balalar densaýlyǵyn saqtaýǵa baǵyttalmaq. Sondaı-aq COVID-19 indetimen kúresken medıtsına qyzmetkerleriniń jalaqysyna ústemaqy tóleý tıisti qarjy kózdelgen. Qańtar aıynda 5 346 medıtsına qyzmetkeri 929,8 mln teńge somasynda ústemeaqy alsa, aqpanda 7115 aq halattyǵa 695,9 mln teńge shamasynda ústemeaqy berildi. Naýryz aıynda 4394 qyzmetkerge 600,1 mln teńge tólengen», - dedi ol.
Sonymen qatar qor patsıentterdiń quqyqtaryn qorǵaý baǵytynda tıisti jumystardy jalǵastyrýda. Bul úshin 1406 baılanys ortalyǵy, «Qoldau 24/7» mobıldi qosymshasy jáne Telegram-daǵy Saqtandyrybot paraqshasy jumys istep tur.