ShQO-da fototuzaqqa bulan túsip qaldy

<p>ÓSKEMEN. KAZINFORM - &laquo;Batys-Altaı memlekettik tabıǵı qoryǵy&raquo; RMK-da ornalastrylǵan fototuzaqqa iri bulan túsip qaldy.</p>

«Bulan (lat. Alces) – buǵylar tuqymdasyna jatatyn sútqorekti, osy tuqymdastyń eń iri ókilderi.
Atalyǵynyń denesiniń uzyndyǵy úsh metrge deıin, bıiktigi 2,3 metrge deıin jetedi, quıryǵynyń uzyndyǵy 12-13 santımetr; salmaǵy 360-600 kılogramm. Analyǵy kishirek. Syrtqy túri boıynsha bulan basqa buǵylardan aıtarlyqtaı erekshelenedi. Onyń denesi men moıny qysqa.
Basy úlken, órkeshti, ústińgi erni ilýli. Tamaqtyń astynda 25-40 sm jetetin jumsaq bylǵary ósindi ("syrǵa") bar. Qylshyq jún, qońyr-qara; aıaǵy ashyq sur, aq tústi. Aldyńǵy aıaqtaryndaǵy tuıaqtar úshkir, bulanǵa olardy qasqyr nemese aıý sııaqty jyrtqyshtarmen qaqtyǵystarda qarý retinde paıdalanýǵa múmkindik beredi.
Atalyqtarynda úlken kúrek tárizdi múıizder bar; olardyń aýqymy 180 sm — ge jetedi, salmaǵy 20-30 kg. Kúıleý aıaqtalǵannan keıin (qyrkúıek—qazan aılarynda ótedi), bulan múıizderin tastaıdy. Sáýir-mamyr aılarynda jańalary óse bastaıdy. Analyǵy múıizsiz»,-delingen qoryqtyń Instagram paraqshasyndaǵy jazbada.

Osyǵan deıin Ekologııa mınıstrligi fototuzaqtyń kómegimen sútqorektilerdiń bıoalýantúrliligin zertteýdi josparlap otyrǵany týraly jazdyq.