ShQO-da erekshe bilimdi qajet etetin 109 bala mektepte aqyly túrde tamaqtanǵan

ÓSKEMEN. QazAqparat – Shyǵys Qazaqstan oblysynda erekshe bilimdi qajet etetin 109 bala mektepte aqyly túrde tamaqtanǵan, dep habarlaıdy QazAqparat tilshisi.

ShQO Prokýratýrasy erekshe bilimdi qajet etetin balalar quqyqtarynyń saqtalýyna tekserý júrgizdi. Sonyń nátıjesinde mamandandyrylǵan oqý oryndarynda tegin tamaqtandyrýǵa qatysty zańbuzýshylyqtar anyqtaldy.

Zań boıynsha osy sanattaǵy balalardy tamaqtandyrý aqysy memleket esebinen tolyq nemese ishinara tólenýi tıis. Alaıda óńir boıynsha 109 bala mektepte aqyly túrde tamaqtanyp kelgen.

Máselen, aýtızmi bar balalarǵa arnalǵan «Ǵajaıyptar álemi» mektebinde 42 bala oqıdy. Barlyǵynyń erekshe qajettilikteri bar, al onyń 31-i múmkindigi shekteýli bala. Mektep oqýshylardyń tegin tamaqtandyrýyn uıymdastyrý máselesi boıynsha ShQO Bilim basqarmasyna júgingenimen, teris jaýap alǵan. Osylaısha, olar aqyly tamaqtanýǵa májbúr boldy.

«Ǵajaıyptar elindegi» 41 balany tegin tamaqtandyrý úshin bıýdjetten jylyna 44,5 mln teńge ǵana jumsalady. Bul –bıýdjet júktemesiniń 14 paıyzy. Sondyqtan oblystaǵy jalǵyz jekemenshik arnaıy mektepte balalardy tegin tamaqtandyrýdy uıymdastyrǵan jón», - deıdi prokýratýranyń qoǵamdyq múddelerdi qorǵaý departamentiniń basshysy Jandos Qońyrov.

Osyǵan baılanysty óńir prokýratýrasy basqarma sheshimine narazylyq keltirdi. Búginde narazylyq tolyǵymen maquldandy.