ShQO-da er adamdy qutqarǵan eki jas jigit marapattaldy

ÓSKEMEN. QazAqparat – QR Tótenshe jaǵdaılar mınıstri sý jaǵasynda er adamnyń ómirin qutqaryp qalǵan Óskemen qalasynyń eki turǵynyn marapattady. QazAqparat bul týraly oblystyq Tótenshe jaǵdaılar departamentine silteme jasap habarlaıdy.

Óskemen qalasyndaǵy Daǵdarys ortalyǵynda ShQO TJD bastyǵy Erlan Nurpeıisov QR Tótenshe jaǵdaılar mınıstriniń qoly qoıylǵan Alǵys hattardy jastarǵa tabystady. Aıdos Mýsın men Nurlybek Eshenov shuǵyl jaǵdaıda kórsetken kómegi úshin marapattaldy.

Eske salsaq, bıylǵy maýsym aıynda olar Sibe kólderinde demalyp jatqan kezde 44 jastaǵy er adamǵa kómek qajet bolǵan. Jas jigitter onyń jaǵdaıyn kásibı túrde anyqtap, reanımatsııalyq áreketter júrgizgen. Solaı er adamdy ómirge qaıtardy.

Aıdos pen Nurlybek úshin ómirdi qutqarý – olardyń jumysy. Sebebi ekeýi de jedel járdemde feldsher bolyp jumys isteıdi. ​

«Qaýip-qaterler kóp, olardyń arasynda adamdy qutqarýmen baılanysty jaǵdaılar bar. Biraq sý janynda demalyp jatyp adamdy qutqarý – mundaı oqıǵa ómirimde birinshi ret bolyp otyr», - deıdi Aıdos. «Naýqasqa kómekteskenińdi seziný – asa qymbat dúnıe. «Úlken rahmet« degendi estý árqashan jaǵymdy!»- dedi Nurlybek Eshenov.