ShQO-da er adam ózi jumys istegen qojalyqtyń 20-ǵa jýyq jylqysyn urlaǵan
ShQO Polıtsııa departamenti baspasóz qyzmetiniń málimetine súıensek, tártip saqshylary iri kólemde mal urlaǵan 50 jastaǵy er adamdy ustady.
- Belgili bolǵandaı, ol ózi jumys istegen sharýa qojalyǵynyń 17 bas jylqysyn urlaǵan. Olardy basqa qoraǵa aıdap aparyp, 200 myńnan 800 myń teńgege deıin satyp kelgen. Aldyn ala derek boıynsha osynyń saldarynan mal ıesine keltirilgen jalpy shyǵyn mólsheri 5 mln teńgeden asady, - delingen aqparatta.
Qazirgi tańda kúdiktige qatysty qylmystyq is qozǵaldy. Polıtsııa urlanǵan maldyń bir bóligin taýyp, ıesine qaıtardy.
- Tergeý amaldary jalǵasyp jatyr. Qalǵan maldy tabý úshin izdeý jumystary júrgizilip jatyr. Osy rette, sharýa qojalyq ıelerine maldy únemi tekserip otyrýdy, baqylaýdy kúsheıtip, jumysshy tańdaýda muqııat bolý qajettigin eskertemiz, - delingen habarlamada.
Eske salsaq, osyǵan deıin Almatyda eki er adamnan 190 sim-karta men sim-box qurylǵysy tárkilengeni habarlanǵan.