ShQO-da er adam 25 bulǵyndy zańsyz atyp alǵan

<p>ÓSKEMEN. KAZINFORM &ndash; Shyǵys Qazaqstan oblysy Altaı aýdanynda 25 bulǵyndy atyp alǵan er adam 2 mln teńge tóleýge mindetteldi.</p>

Altaı aýdandyq sotynyń málimetine súıensek, ShQO orman sharýashylyǵy jáne janýarlar dúnıesi aýmaqtyq ınspektsııasy ańshynyń ústinen sotqa shaǵym túsirgen. Belgili bolǵandaı, er adam quzyrly organnan 8 bulǵyn aýlaýǵa ruqsat alǵan. 

Alaıda ol ruqsatta kórsetilgen shekten asyp, 25 bulǵyndy atqan. Osynyń saldarynan memleketke keltirilgen shyǵyn mólsheri 2 001 080 teńgeni qurady.

«Sot memleketke keltirilgen materıaldyq zalaldy óteý týraly talapty zańdy dep taýyp, qanaǵattandyrylýy tıis degen qorytyndyǵa keldi. Sot sheshimimen azamat shyǵyndy tolyqtaı óteýge mindetteldi», - delingen aqparatta.

Er adam bul sheshimmen kelispeı apellıatsııalyq shaǵym túsirgen. Dese de apellıatsııalyq sot úkimdi esh ózgerissiz qaldyrdy.