ShQO-da «Eńbek» baǵdarlamasynyń qarajatyn jymqyrǵandar anyqtaldy

ÓSKEMEN. QazAqparat - Shyǵys Qazaqstan oblysynda bıýdjet qarajatyn jymqyrý faktileriniń joly kesildi, dep habarlaıdy QazAqparat.

Qarjy monıtorıngi komıtetiniń Shyǵys Qazaqstan oblysy boıynsha ekonomıkalyq tergeý departamenti «Qazyna» jedel-aldyn alý is-sharasy aıasynda bıýdjet qarajatyn jymqyrý faktilerin anyqtady.

Shara barysynda departament qyzmetkerleri «Eńbek» memlekettik baǵdarlamasy aıasynda bıýdjet qarajatyn jymqyrý faktilerin áshkereledi.

Sonymen, ShQO-nyń Glýbokoe aýdanynda JShS dırektory azamattardy jumys kúshi artyq aımaqtardan jumys kúshi jetispeıtin aımaqtarǵa qonystandyrý týraly jalǵan málimetterdi usynyp, 6,8 mln teńge kóleminde bıýdjet qarajatyn jymqyrǵany belgili boldy. Shynynda, baǵdarlamaǵa qatysýshylar (qonys aýdarýshylar) ShQO aýmaǵynda is júzinde turyp, eńbek etpegen.

Ulan aýdanynda osyǵan uqsas 13,4 mln teńge somasynda bıýdjet qarajatyn jymqyrý faktisiniń joly kesildi.

Atalǵan faktiler boıynsha QR QK 189 jáne 190 baptaryna sáıkes sotqa deıingi tergeý amaldary tirkeldi. Qazirgi ýaqytta tergeý amaldary júrgizilýde.