ShQO-da elektr quraldaryn paıdalanýda qaýipsizdikti saqtamaýdan 41 órt shyqty
ShQO Tótenshe jaǵdaılar departamenti baspasóz qyzmetiniń málimetine súıensek, qosylyp, qaraýsyz qaldyrylǵan elektr jabdyqtary, rozetkaǵa uzaq ýaqyt qosylyp turǵan uıaly telefon órtke sebepshi bolyp jatady. Sol úshin eshqashanda elektr quraldaryn qaraýsyz qaldyrmaý qajet. Ásirese úıden bir jaqqa shyǵyp bara jatqanda abaı bolǵan jón.
«Aýa raıy sýytqan kezde elektr jylytqyshtaryn paıdalanatyndar sany artady. Birinshi kezekte qaýip tóndiretinderge - sháınek, plıta, elektr jylytqysh jatady. Sondaı-aq lıýstra men shamdardan da ot tutanýy múmkin. Qarapaıym turmystyq tehnıka, atap aıtqanda teledıdar men kompıýter de órt shyǵýyna ákelip soǵyp jatady. Qurylǵynyń durys qosylmaýynan nemese durys jumys istemeýinen qysqa tuıyqtalý oryn alý múmkindigi bar. Jalpy óńir boıynsha oblysta elektr quraldaryn paıdalaný kezinde qaýipsizdikti saqtamaýdan 41 órt shyqty», - dep habarlady vedomstvo ókilderi.
Qutqarýshylardyń dereginshe, eger elektr jabdyqtarynan kúıgen ıis baıqalsa jáne ustaǵan kezde jylýdy sezseńiz, onda sol qurylǵynyń sapasyna nazar aýdarýyńyz kerek. Eń durysy, bul jaǵdaıda qurylǵyny óshirip, tekserý úshin arnaıy mamandarǵa aparyńyz. Osy jumysty keıinge qaldyrýǵa bolmaıdy.